GIDID-AN na ang kapolisan labina niadtong gitawag og motorcycle cops pag-escort sa mga commercial activities nga mga parada ingon man sa mga lubong, kasal ug anibersaryo.
"This is a nationwide directives from the new PNP Director Avelino Razon," pamahayag ni Police Regional Deputy Teodorico Capuyan.
Matod ni Capuyan nga kadto lang mga dagkong opisyal sa gobiyerno, kapolisan ug uban pa nga mga importanteng bisita nga nagkinahanglan og igong seguridad ang hatagan og escort sa motorcycle cops.
Sigun sa kamandoan ni Razon nga walay motorcycle cops nga mo-escort sa mga parada nga gipasiugdahan sa mga pribadong establisimento diin nag-promote kini sa ilang produkto o kaha nagpahigayon sa ilang mga anibersaryo.
Na-obserbahan nga dunay nagpahigayon og lubong nga gi-eskortan sa motorcycle cops diin wala kini mauyoni sa mga opisyal sa kapolisan.
"Kon mag-escort og usa ka lubong otherwise tanan nga lubong hatagan og escort sa pulis para patas," paasabot ni Capuyan.
Subay niini giaghat ni Capuyan ang publiko nga motaho sa iyang buhatan kon dunay mga polis nga ilang makit-an nga nag-escort og lubong ug sa bisan unsang kalihokan.
Siya nipasidaan nga dili siya magdumili pagsilot sa mga polis nga mosupak niini nga kamandoan.
"Sa RTA sila mangayo og escort kay dili man under sa PNP," padayag ni Capuyan.(sunstar)
Subscribe to:
Post Comments (Atom)
No comments:
Post a Comment