Drugtest sa mga kandidato kinahanglan

POSIBLENG dili maproklamar ang kandidato nga dili mosumiter sa resulta sa drugtest sa higayon nga modaug kini sa piliay.

Kini ang gibutyag ni Atty. Dennis Ausan, Regional Election Officer sa Commission on Election (Comelec) 10 isip pahimangno ngadto kanila.

Gidugang ni Ausan nga usa kini sa rekisitos alang sa mga magpapili.

Gipasabot ni Ausan nga gihatagan og higayon sa Comelec ang mga kandidato nga puwede pa nilang isumiter ang resulta sa ilang drugtest sa Oktubre 18, 2007 atol sa katapusang adlaw sa pagduso sa ilang sertipiko de kandidatora.

Apan matod niya nga wala kini nagpasabot nga dili na sila mosumiter taliwala nga gidawat na sa Comelec ang ilang giduso nga certificate of candidacy (CoC).

Subay niini subling giaghat ug gipahinumduman ni Ausan ang mga kandidato nga kon mahimo ilakip na ang resulta sa ilang drugtest atol sa ilang pagduso sa CoC.(Sunstar)